Қызылорда облысында мал қырылып жатыр

Қызылордада тұрғындар малдың жаппай қырылуына шағымданып жатыр деп хабарлайды Paryz.kz.

"Астана" телеарнасының мәліметіне қарағанда, шаруалар бұған малға екпенің кеш салынуы мен дәрігердің жауапсыздығын кінәлап отыр. Айтуларынша, мал дәрігерлері екпені уақытылы салмайтын көрінеді. Соның салдарынан жұрт  қалған малымыздан да айырылып қаламыз ба деп алаңдайды.

Мал дерекқор базасына енбегендіктен осындай жағдай болды деген де болжам бар.

Тізімге енбеген ірі қараға екпе егілмейтін көрінеді. Сондықтан, маман ауыл тұрғындарына малын өз атына тіркеу үшін өтінім қалдыруға кеңес береді. Сонда ғана мемлекеттен бөлінетін екпеге ілініп, жоспар бойынша уақытында бақылауға алынатынын айтты.

Оған біз вакцина жоспарлай алмаймыз. Біз дерекқор базасында қанша бас бар соған вакцина жоспарлаймыз жылдың басында.  Сондай жағдайлар бар. Көбісі өз малдарын дерекқорға өтініш беріп енгізуі тиіс. Бірдейлендіру жұмыстары ол мемлекеттік қызмет көрсетуге жатады. Сол себепті тұрғындардың өзі өтініштерін беруге тиіс, - дейді Қызылорда қалалық Ветеринария стансасының директоры Нұрлан Төлегенов.

Ірі қараның жаппай қырылу себебі әлі белгісіз. Мамандар оған себеп жұқпалы аурулар дегенді жоққа шығарып отыр.