Нұр-Сұлтан ауруханасында көз жұмған сарбаздың өліміне қатысты деректер пайда болды

Бір ай бұрын әскерге шақырылған 18 жастағы сарбаз астаналық госпитальда қайтыс болды. Оның жақындары жігіт жиі тіс ауруына шағымданатынын айтты. Қорғаныс министрлігі де күтпеген өлімнің мән-жайын анықтап жатыр деп хабарлайды Paryz.kz, "Астана" телеарнасына сілтеме жасап. 

Қорғаныс министрлігінің мәліметінше, жас жігіт ауруханаға түскеннен кейін үш күннен кейін сепсис пен инфекциялық шоктан қайтыс болған. Дәрігерлер жақ сүйегінің қабынуы деген диагноз қойған.

Оқи отырыңыз: 18 жастағы сарбаз Нұр-Сұлтан ауруханасында қайтыс болды

Аурухана жағдайды түсіндіруден бас тартты, бірақ Қорғаныс министрлігі дәрігерлер қолдан келгеннің бәрін жасады деп сендірді.

Соңғы күндері жас жігіт тісінің ауырып жүргеніне шағымданған.

Ол ауруханада үш күн жатты. Бәрі тіс ауыруынан басталды. Шамасы, тісінен шыққан ірің басына өтіп, жүрегі шыдай алмаған. Қаны уланған шығар. Кімнің кінәлі екенін білмеймін. Кеше баламның денесін үйге өзім алып келдім, – деді марқұмның әкесі Халмат Сариев.

Еске салсақ, жас жігіт Түркістан облысынан әскерге шақырылып, Нұр-Сұлтан қаласында қызмет еткен.