«Дикий Арман» бүкіл қазақты Бораттың жазасын беруге шақырды

"Дикий" лақап атымен танымал қылмыс әлемінің серкесі Арман Жұмагелдиев әлеуметтік желіде Боратқа қатысты ойын айтты, деп хабарлады paryz.kz.

"Борат жайлы маған өтініштер көптеп келіп жатыр. Әрине, мен де болып жатқан жайттан хабардармын және менің де намысыма ауыр тиіп жатыр. Айта кетейін дегенім, бұл бізден өте алыс мемлекетте болып жатыр. Сол себепті, оны ұстау қиын болып жатыр. Біреулер оны Америкада десе, басқалар Англияда деп жатыр. Мен ол жайлы ақпараттар іздестірудемін. Борат жайлы білген-естіген нақты ақпараттарыңыз болса, маған жазыңыздар. Тағы айта кетейін дегенім, мен "супермен" емеспін. Орыста мақал бар ғой, "Один в поле - не воин" деген. Шетелдегі болсын, елдегі болсын бүкіл қазақ бірігіп, еліміздің атына кір келтіріп жүрген Боратты тауып, жазасын берейік. Бәріміз бірігіп, бір жұдырықтай болсақ, Алланың қалауымен кез келген жауды жеңетінімізге сенімдімін" деп жазды ол.

Айта кетейік, қазақстандықтар фильмнің шығуына қарсы #Cancel Borat хештегін шығарды. Күні кеше Мәдениет және спорт министрі "Борат" туралы пікір білдірді.