Астана
-13.03°C
Астана
-13.03°C
Тәжік-ауған шекарасындағы әскери қимылдар мен қақтығыстарға қатысқандардың ардагерлер одағының ұйытқы болуымен Орал қаласында ескерткіш ашылды. Бұл ескерткіш 1992-2001 жылдары тәжік-ауған шекарасындағы әскери қақтығыста қаза тапқан жауынгерлерге арналған.
– Қазақстандық әскерилер ерліктің өнегесін көрсетіп, шекараны қару-жарақ, есірткі дәлізіне айналдырмақ болған моджахедтерге тосқауыл болды. Сол қанды қырғында әскери борышын өтеп жүрген 17 жауынгер қаза тапты, 40-қа жуық сарбаз түрлі жарақат алды. Олардың ерлігі, жауынгерлік борыштарына адалдығы кейінгі жас толқынға үлгі-өнеге, – деді ескерткіштің ашылу салтанатына қатысқан Орал қаласы әкімінің орынбасары Ерлан Ғалиев.
Іс-шара барысында бір топ ардагерге Тәжік-ауған шекарасындағы әскери қимылдар мен қақтығыстарға қатысқандардың ардагерлер одағының «Алаш батыры» төсбелгісі табыс етілді.
Жұбан МҰРАТ
