Астана
-3.03°C
Астана
-3.03°C
Қонаев қалалық сотының төрағасы сотталды. Бұл туралы Сыбайлас жемқорлыққа қарсы іс-қимыл агенттігінің ресми өкілі Данияр Бигайдаров айтты.
«Алматы облысы Қарасай аудандық сотының үкімімен Қонаев қалалық сотының төрағасы Ж.Қ.Жанболатов 4 жыл 6 айға бас бостандығынан айырылды. Ол сотталушыға жазасын жеңілдету сылтауымен, аса ауыр қылмысты жеңілдету бойынша 9 млн теңге мөлшерінде заңсыз сыйақы алу арқылы алаяқтық жасағаны үшін кінәлі деп танылды», — деді ресми өкіл.
Оның атап өтуінше, қосымша жазалау шарасы ретінде Жанболатов өмір бойы мемлекеттік қызметте қызмет атқару құқығынан айырылды. Сот үкімі заңды күшіне енген жоқ.
