Түркістан облысында балық қырылып қалды

Түркістан облысындағы Бадам өзенінде балықтардың қырылғаны туралы ақпарат әлеуметтік желілерде пайда болды. Экология, геология және табиғи ресурстар министрлігі ол жерге Балық инспекциясы кеткенін хабарлады, деп жазды paryz.kz. 

8 наурызда желіде Бадам өзеніндегі балықтарың қырылуы туралы ақпарат жарияланды. Сол күні Арал-Сырдария балық шаруашылығы аймақаралық бассейндік инспекциясы Түркістан облысы бойынша Балық инспекциясы департаментінің өкілдерімен бірге Экология, табиғатты қорғау полициясы және Шымкент қаласының ветеринарлық қызметі тексеру жүргізді.

Тексеру барысында зертханалық зерттеулерге су мен балықтардың сынамалары алынды.

Айта кету керек, өзеннің кейбір бөліктерінде судың түсі қоңырқай болды. Алдын ала қорытындысы бойынша балықтардың өлуіне жаңбыр мен тасқын сулардың келуіне байланысты судың сапасы мен температурасының өзгеруі себеп болған. Бұл өз кезегінде балықтардың тіршілік әрекетіне әсер етеді.

Балықтардың өлімінің соңғы себебі зертханалық зерттеулердің нәтижелерін алғаннан кейін белгілі болады.

8 наурызда сағат 20:00-ге дейінгі жағдай бойынша инспекция қызметкерлері Шымкент қаласы әл-Фараби ауданының цемент зауыты ауданынан 20 келі өлі балық жинады. Жинақ жалғасуда. 

Бадам өзені Түркістан облысының Төлеби, Сайрам, Ордабасы облыстары мен Шымкенттің аумағынан өтеді. Ол балық шаруашылығы су қоймаларының тізіміне кірмейді.