Астана
-10.03°C
Астана
-10.03°C
ҚР Ұлттық банк төрағасы Тимур Сүлейменов Қазақстандағы валюта бағамына қатысты пікір білдірді. Ол доллар құны 500 теңгеден асып кетуі мүмкін бе деген сұраққа жауап берді, – деп хабарлайды Aikyn.kz nur.kz-ке сілтеме жасап.
"Өздеріңіз білетіндей, қазір биржада 482-483 теңге (доллар курсы – ред.), бұл біз екі апта бұрын да байқаған деңгей", – деді Сүлейменов.
Сондай-ақ ол доллар құны 500 теңгеге дейін жетуі мүмкін бе деген сұраққа жауап берді.
"Жоқ, доллар 500-ден асып кететіндей фактор көріп тұрған жоқпыз", – деді ҚҰБ басшысы.
Оған қоса Ұлттық банк төрағасына еуро бағамы 600-ге жетуі мүмкін бе деген сауал қойылды.
"Біз теңге – доллар бағамына көбірек назар аударамыз. Бұл біз үшін аса маңызды, өйткені халықаралық сауда операцияларының көпшілігі теңге-доллар бағамы арқылы өтеді", – деп жауап берді ол.
