Ұлттық банк алаяқтықтың жаңа түрі жайлы мәлімдеме жасады

Интернет-алаяқтар танымал әлеуметтік желіде Ұлттық банктің жалған аккаунтын тіркеген. Ол азаматтардың жеке мәліметтерін немесе ақшасын ұрлау үшін пайдаланылуы мүмкін, деп мәлімдеді Қазақстанның Ұлттық банкі.

«Ұлттық банк алаяқтық іс-әрекеттердің жиілеп кеткендігі туралы ескертеді. Алаяқтар Instagram әлеуметтік желісінде national_bank_kazakhstan фейк парақшасын тіркеген. Алаяқтар мұндай фейк парақшаларды түрлі мақсаттарда ашады – фишингтік хаттар жіберу, азаматтардың жеке деректерін немесе ақшасын ұрлау. Қазақстан Ұлттық банкіне ұқсас және үйлесімді домендік атауларды қолдана отырып, олар фишингтік хаттарды жіберу үшін реттеушінің поштасының жалған мекен жайларын жасайды. Мұндай хаттарда, әдетте, жалған сайтқа сілтемелер немесе шұғыл құжаттармен және төлем өкімдерімен танысу туралы өтініштер болады.

Бұл ретте сілтеме бойынша өткен жағдайда, пайдаланушының мобильді құрылғысына зиянды бағдарламалық жасақтама жүктеледі. Ол кейіннен құрылғыны қашықтан басқару үшін қолданылады.