Астана
-7.03°C
Астана
-7.03°C
«Алматы Су» бас директорының орынбасары және Қызылорда облысы кәсіпкерлік басқармасының басшысы ұсталды, деп хабарлады Paryz.kz.
Антикордың Алматы қаласы бойынша департаменті өкілдері осы жұмыс шеңберінде ауыр жемқорлық қылмыс жасады деген күдікпен «Алматы Су» ШЖҚ МКК бас директорының орынбасарын ұстады. Ол жергілікті кәсіпкерден орындалған жұмыстардың актілеріне қол қойғаны және жасалған мемлекеттік сатып алу шарттары бойынша ақшалай қаражат төлегені үшін 345 млн теңге көлеміндегі бұрын келісілген сомадан 75 млн теңге алған.
Сондай-ақ Қызылорда облысы бойынша Сыбайлас жемқорлыққа қарсы қызмет облыстық кәсіпкерлік және өнеркәсіп басқармасының басшысын жалпы қамқорлығы мен келісімшартты ұзартуға және жер қойнауын өндіру көлемін ұлғайту рұқсатына қол қойғаны үшін айтарлықтай мөлшерде пара алды деген күдік бойынша ұстады.
Күдіктілерге қатысты соттың санкциясымен «қамауда ұстау» түріндегі бұлтартпау шарасы қолданылды.
Аталған істер бойынша тергеу жалғасып жатыр.
