Астана
-17.03°C
Астана
-17.03°C
Батыс Қазақстан облысында полиция кәсіпкерлерден миллион доллар бопсалаған ер адамды ұстады, деп хабарлады Paryz.kz.
Облыстық ПД ұйымдасқан қылмысқа қарсы күрес басқармасының қызметкерлері етті мал шаруашылығымен айналысатын компания құрылтайшыларынан 1 миллион доллар (451 млн 765 мың теңге, 1 доллар – 451,77 теңге) бопсалаған күдіктіні Toyota Mark II көлігінде ақша алып жатқан жерінде ұстады.
Көлікті тінту кезінде сол жақтағы алдыңғы орындықтың қалтасынан 4 млн теңге тәркіленді. Сондай-ақ ер адамның барсеткасынан 50 мың теңге табылды.
Қазір Қылмыстық кодекстің 194-бабы 4-бөлігі («Бопсалау») бойынша сотқа дейінгі тергеу жүргізіліп жатыр.
Қылмыстық-процестік кодекстің 201-бабына сәйкес, өзге ақпарат жарияланбайды.
