Атырауда екі ер адам шетелдікті қамауда ұстап, ақша бопсалаған

15 желтоқсанда Атырау облысы ПД ұйымдасқан қылмысқа қарсы күрес басқармасының қызметкерлері жедел ақпаратқа сәйкес жедел-іздестіру шараларын жүргізу барысында Өзбекстан Республикасының 30 жастағы азаматын күш қолдану арқылы заңсыз ұстаған күдіктілерді тұтқындады. Олар қаладағы жалдамалы пәтерлердің бірінде шетелдік азаматты ұрып-соғып, 1 млн 100 мың теңге бопсалап, банк есепшоттарына аударуды талап еткен. Түрлі дене жарақатын алған жәбірленуші ауыр жағдайда ауруханаға жеткізілген.

Күдіктілер – Өзбекстан және Қазақстан Республикасының 36 және 32 жастағы азаматтары уақытша ұстау изоляторына қамауға алынды. Қазір ҚР ҚК-нің 194-бабы 2-бөлігімен, 126-бабының 2-бөлігімен сотқа дейінгі тергеп-тексеру басталды. Күдіктілерге қатысты күзетпен ұстау түріндегі бұлтартпау шарасы таңдалды, - делінген хабарламада.

ҚПК-нің 201-бабына сәйкес, өзге ақпарат жария етуге жатпайды.