Kaspi-дің акционері Ломтадзені премьерлікке ұсынып жатыр

"Нұр-СұлтанГаз" компаниясының басшысы Александр Райк премьер-министр қызметіне Kaspi.kz төрағасы Михаил Ломтадзені ұсынды, деп хабарлады paryz.kz, kznews.kz-ке сілтеме жасап.

Райк бұл тағайындаудың "пайдасы" туралы өзінше бірнеше дәлел келтіріп көрген.

"Мен өзім "Нұр-СұлтанГаз" жеке кәсіпорнын басқаратыныма байланысты, қандай да бір бизнес субъектісінің, мемлекеттік органның немесе квазимемлекеттік компанияның тиімділігі туралы жиі ойланамын. Сонымен, жиі ойлайтыным: егер бізде премьер-министр лауазымына Михаил Ломтадзе тағайындалса ше? Қазақстанда оның туыстары жоқ. Сондықтан олар сұрамайды, басы кез келген заманауи компьютерден жақсы жұмыс істейді, адал, ашық, әдепті, позитивті және төрт Папа Карло секілді жұмыс істейді.

Оған Үкіметтің нәтижелеріне байланысты бонустар беріледі деп жұмыс істеуге кедергі келтірмесек жетіп жатыр. Халықтың әл-ауқаты өссе, бонус бар, ал өспесе, отставкаға кетеді. Барлығы үш рубль сияқты қарапайым!

Егер осындай данышпан қарапайым банктің акциялары Лондон биржасында саудаланатынындай Қазақстанның қаржы жүйесі абсолютті көшбасшы жасай алса, онда министрлер кабинетінің жұмысын да жолға қоятыны сөзсіз. Мен үшін Леди Гага басқарса да бәрібір, бастысы халықтың әл-ауқаты өсіп, бәрі ашық және әділ болса болды!" деп жазды "Нұр-СұлтанГаз" басшысы.

Желі қолданушылары бұл бастаманы екіұшты қабылдады. Олардың көпшілігі идеяның "шындыққа жанаспайтындығына" байланысты, тіпті талқыланбауы керек деген пікірге келді. Қазіргі министрлер кабинеті басшысының "әлсіздігін" атап өтіп, авторды қолдағандар да болды.