«Халық қатысатын бюджет»: Ганди атындағы саябақ аясында абаттандырылды

Алматы әкімі Ерболат Досаев Алмалы ауданын аралау барысында Ганди атындағы саябаққа ат басын бұрды. Қала басшысы «Халық қатысатын бюджет» аясында қолға алынған саябақтағы абаттандыру жұмысының барысын қадағалады.

Жамбыл – Жароков – Шевченко – Гагарин көшелерінің аумағындағы жақын маңдағы үйлердің тұрғындары жарықты реттеу, жол төсемін қалпына келтіру және ойын алаңдарын ретке келтіру туралы бастама көтерді. Олар үшін Ганди саябағы бос уақыт өткізуге, демалуға таптырмас басты орын. Саябаққа күн сайын 2 мыңнан астам адам келеді. Ойын алаңдары мен воркаутты жаңарту, демалыс аймақтарын, саябақта жүгіру жолдарын жасау жөніндегі ұсыныстарды «Халық қатысатын бюджет» бағдарламасында дауыс беру кезеңінде қала тұрғындары белсенді қолдады.

Саябаққа барған кезде Алмалы ауданының әкімі Айдар Жақыбаев қала басшысына жұмыстың үш бағытта жүргізілгені туралы баяндады. 80%-ға саябақта көгалдандыру бойынша міндеттер орындалды, кабельдік желінің және жарықтандыру тіректерінің зақымдануын ауыстыру аяқталып келеді. Абаттандыру жұмыстарының дайындығы 90%: саябақта әткеншегі бар 17 пергола, жарық тартылған 6 беседка, 3 шахмат үстелі, 5 ауыз су бұрқағы орнатылған. Сонымен қатар, аудан әкімінің айтуынша, тұрғындарға ыңғайлы болу үшін иттерді серуендетуге арналған аймақ ірі және кіші тұқым үшін бөлініп жасалды. Саябақтағы жұмысты осы жылдың 15 қарашасында толық аяқтау жоспарланып отыр, нысанға 90 адам жұмылдырылды.

Саябақты аралау барысында аудан тұрғындары Алматы әкіміне кішкентай балаларға арналған балалар алаңын бейімдеу туралы өтініш білдірді. Барлығы биік, ата-аналар балаларының қауіпсіздігіне алаңдайды. «Біздің әртүрлі жастағы балаларды біріктірген тәжірибеміз бар. Аймақтарды бөлу қажет», - деді Ерболат Досаев. Қала басшысы аудан әкіміне осы мәселені пысықтауды тапсырды. Сонымен бірге, Ерболат Досаев саябаққа келушілер үшін ыңғайлы соқпақтарды қарастыру қажеттігіне назар аударды.

Қалада тұрғындардың демалысы үшін ашылған тағы бір жобаны Алматы әкімі жұмыс сапары кезінде аралады. Әуезов ауданындағы Жандосов көшесінің оңтүстігінде және Сүлейменов көшесінің шығысында жаяу серуендеу аймағын абаттандыру аяқталды. Жоба «Халық қатысатын бюджет» бағдарламасы аясында жүзеге асырылды. Бүкіл аумақ жарықтандырылып, жасыл желектерді автоматты суару жүйесі орнатылды.

Анықтама үшін: Ендігі кезекте Әлия Молдағұлова мен Мәншүк Мәметова ескерткіші бар скверлер, Әуезов атындағы Қазақ ұлттық драма театрының және Ғ.Мүсірепов атындағы балалар мен жасөспірімдер театрының жанындағы субұрқақты реконструкциялау күтіп тұр.

Ерболат Досаев «Халық қатысатын бюджет» бағдарламасы аясында жүргізілген Ганди атындағы саябақты абаттандыруды тексерді. Алматы әкімі Алмалы ауданын аралау барысында Ганди атындағы саябаққа ат басын бұрды. Қала басшысы «Халық қатысатын бюджет» аясында қолға алынған саябақтағы абаттандыру жұмысының барысын қадағалады. Жамбыл – Жароков – Шевченко – Гагарин көшелерінің аумағындағы жақын маңдағы үйлердің тұрғындары жарықты реттеу, жол төсемін қалпына келтіру және ойын алаңдарын ретке келтіру туралы бастама көтерді.