Астана
-12.03°C
Астана
-12.03°C
Абай облысында басқарма басшысы мен полицейлер пара алған, деп хабарлады Paryz.kz.
Сыбайлас жемқорлыққа қарсы қызметтің Абай облысы бойынша департаментінің мәліметінше, көші-қон қызметі басқармасының басшысы мен Абай облысы полиция департаментінің қызметкерлері парамен әшкереленген.
Лауазымды тұлға өзінің қызметкері арқылы аудандық полиция бөлімшесінің қызметкерін қалалық көші-қон қызметі бөліміне ауыстыруға жәрдемдескені үшін 1 мың АҚШ доллары көлемінде пара алған. Күдіктілер ұсталып, уақытша ұстау изоляторына қамалды, – делінген Антикор хабарламасында.
Сотқа дейінгі тергеу жалғасып жатыр. Қылмыстық-процестік кодекстің 201-бабына сәйкес, тергеу мүддесі үшін өзге ақпарат жария етуге жатпайды.
