Алматыда кәсіпорындарға пресс-тур ұйымдастырылды

Алдымен «KazSPO-N» ЖШС компаниясына тоқтап, олардың жұмыс барысымен таныстырды. Аталған компания 1998 жылдан бері нарықта қызмет етіп келеді, персонал саны 100 адам. 

Жалпы бұл компания түрлі өнімдерді өндіріп, сапалы қызмет ұсынады. Ата айтқанда, өнеркәсіптік, қорғаныс және арнайы мақсаттағы аяқ киім, майға төзімді қорғаныс аяқ киім, кәсіби қорғаныш аяқ киім, қауіпсіздік аяқ киім, жұмыс етік, машинамен кестелеу, тұтынушының сипаттамаларына сәйкес машиналық кесте, спорт шаңғы киімі, кәсіби және біркелкі киім, бірыңғай киім қонақүй қызметкерлеріне арналған киімдер тігеді.

Сонымен қатар, қоғамдық тамақтандыру желілеріне арналған формалар, аспазшыларға арналған кәсіби киім, корпоративтік киім, компания қызметкерлеріне арналған формалар, жұмыс киімдері, қойма қызметкерлеріне арналған жұмыс киімдері, халыққа қызмет көрсету кәсіпорындарының қызметкерлеріне арналған қорғаныс киімдері, дәнекерлеушілер мен электриктерге арналған қорғаныс киімдерін шығарады. 

Осыдан кейін «Казлегпром-Алматы» ЖШС жұмысымен таныстырды. Бұл компания 2011 жылдан бері нарықта табысты жұмыс істеп келе жатқан Қазақстанның жеңіл өнеркәсібінің тігін және аяқ киім өнеркәсібіндегі жоғары технологиялық ірі өндіріс орындарының бірі болып табылады.

«Казлегпром-Алматы» ЖШС миссиясы – Қазақстанның жеңіл өнеркәсіп нарығын қамтамасыз ету. Қазақстан отандық өндірістің бәсекеге қабілетті киім-кешек және аяқ киім өнімдерін өндіреді.

Киім және аяқ киім фабрикасының өндірістік қуаты жылына 1,5 миллионға дейін түрлі тігін бұйымдарын және 500 мың жұп аяқ киім шығаруға мүмкіндік береді. Өндірістік кешен 1 га жерде орналасқан, жалпы ауданы 12033,7 м2. Персонал саны 400-ден астам адам. Өндіріс киім және аяқ киім өндірісінің ең озық технологиялық шешімдері енгізілген заманауи, жаңартылған кешен.
Зауыттың әлемдік жетекші өндірушілердің (Германия, Жапония, АҚШ) заманауи және жоғары технологиялық жабдықтарымен жабдықталуы қысқа мерзімде жоғары сапа деңгейінде үлкен көлемдегі өнімдерді шығаруға мүмкіндік береді. 2013 жылдан бастап киім және аяқ киім фабрикасында ҚР СТ ИСО 9001-2009 «Сапа менеджменті жүйесі» және ҚР СТ ИСО 14001-2006 «Қоршаған ортаны басқару жүйесі» талаптарына сәйкестік сапа менеджменті жүйесі енгізіліп, сертификатталған.

Өнімнің барлық номенклатурасы бойынша зауытта СТ-KZ сертификаты бар, мұнда қазақстандық қамту үлесі 52-84% құрайды. Қойма кешені тікелей киім және аяқ киім фабрикасының аумағында орналасқан, жалпы ауданы 3960 ш.м. Зауыттың қолайлы орналасуы және ыңғайлы кіреберіс жолдары, өз көлігіміздің болуы және көлік компанияларымен орнатылған қарым-қатынастар бізге өнімді Қазақстан бойынша жылдам жөнелтуге және жеткізуге мүмкіндік береді.

Естеріңізге сала кетейік, Алматы қаласы Кәсіпкерлік және инвестициялар басқармасы қазақстандық өндіріс пен өнеркәсібінің қызметін көрсету шеңберінде кәсіпорындарға арнайы пресс-тур ұйымдастырған болатын.