Астана
-8.03°C
Астана
-8.03°C
Тараз қаласының №2 сотының судьясы 2 000 000 теңге сомасында пара алды деген күдікке ілінді, деп хабарлайды сыбайлас жемқорлыққа қарсы іс-қимыл агенттігі.
Агенттіктің Сот әкімшілігінің қауіпсіздік бөлімімен бірлесіп жасаған жасырын іс-шараларының нәтижесінде Тараз қаласының №2 сотының судьясы 2 000 000 теңге сомасында пара алғаны әшкереленді.
"Судья сотталушыдан іс жүргізуде қылмыстық іс бойынша бас бостандығынан айырмайтын жаза тағайындағаны үшін ақша алды деген күдікке ілінді", - делінген агенттіктің хабарламасында.
Ведомствоның мәліметінше, қылмыстық-процестік кодекстің 550-бабының тәртібімен Бас прокурор сотқа дейінгі тергеп-тексеруді жалғастыруға келісім берді.
Қылмыстық-процестік кодексінің 201-бабына сәйкес өзге ақпарат жария етуге жатпайды.
