«Ұлттық қор - балаларға» Тоқаев жарлыққа қол қойды

Тоқаев "Қазақстан Республикасының 2030 жылға дейінгі мемлекеттік қаржыны басқару тұжырымдамасын бекіту туралы" Қазақстан Республикасы Президентінің 2022 жылғы 10 қыркүйектегі өзгерістер мен толықтырулар енгізу туралы №1005 жарлыққа қол қойды.

"ҚРҰҚ қаражатын пайдалану" тарауына мынадай мазмұндағы қосымша тармақша енгізіледі: "нысаналы талаптарды төлеу түрінде және Қазақстан Республикасының заңнамасына сәйкес нысаналы жинақтарды аударуға және төлеуге байланысты банк қызметтеріне ақы төлеу жөніндегі шығыстарды жабуға, нысаналы талаптарға Қазақстан Республикасының он сегіз жасқа толмаған азаматтары алдындағы жыл сайын ҚРҰҚ-ның есепті жыл алдындағы он сегіз жылдағы орташаланған инвестициялық табысының 50 пайызы есебінен қалыптастырылатын және есепті жылдың алдындағы он сегіз жылдағы орташаланған инвестициялық табыстың осы сомаға жыл сайын есептелетін міндеттемелері жатады".

Ұлттық қордың активтерін сенімгерлік басқаруды Ұлттық банк жүзеге асырады, Ұлттық қорды пайдалану мәселелері бойынша президентке - Ұлттық қорды басқару жөніндегі кеңес жәрдем көрсетеді және ұсынымдар әзірлейді.

Жарлық қол қойылған күнінен бастап қолданысқа енгізіледі.

Еске сала кетейік, Мемлекет басшысы 2022 жылғы 1 қыркүйектегі Жолдауында 2024 жылдың 1 қаңтарынан бастап іске қосылатын "Балаларға арналған ұлттық қор" жобасын іске қосу туралы бастама көтерген болатын.

Осы жылдың 1 тамызына дейін Ұлттық қордың аудитінің қорытындысы бойынша жылдық есепті бекіту жоспарланып отыр. Аудит деректері негізінде Ұлттық Банк 1 қыркүйекке дейін Бірыңғай жинақтаушы зейнетақы қорына (БЖЗҚ) Ұлттық қордың орташа инвестициялық кірісінің 50 пайызы мөлшерінде, сондай-ақ орташа инвестициялық кірістің мөлшері мен ставкасы туралы ақпаратты жібереді. Осы сомаға жыл сайын есептелетін инвестициялық кіріс кіреді.

31 желтоқсанға дейін БЖЗҚ жеке тұлғалардың мемлекеттік деректер базасынан қажетті ақпаратты қабылдайды.

2024 жылдың 20 қаңтарына дейін БЖЗҚ түскен ақпаратты Әділет министрлігімен келіседі және бір жобаға қатысушыға шаққандағы Ұлттық қордың инвестициялық кірісінің сомасын есептейді.

31 қаңтарға дейін БЖЗҚ Ұлттық банкке күнтізбелік жылда 18 жасқа толған балалар үшін есептелген инвестициялық кіріс сомасын аударуға өтінім жібереді. Ұлттық банк бұл қаражатты БЖЗҚ шотына аударады, содан кейін қор бұл қаражатты алушылардың шотына аударады.