Астана
-13.03°C
Астана
-13.03°C
Астана қаласының прокуратурасы емханаларға азаматтарды заңсыз тіркеу бойынша бірқатар деректі анықтады, деп хабарлайды Paryz.kz.
«Сарыарқа ауданының денсаулық сақтау ұйымдарының қызметіне жүргізілген тексеріспен қала аумағында тұрмайтын азаматтарды, сондай-ақ қайтыс болған адамдарды негізсіз тіркегені анықталды», - делінген прокуратура хабарламасында.
Сондай-ақ ведомство сапалы және уақтылы дәрігерлік көмек көрсету прокуратураның тұрақты бақылауында екенін атап өтті.
Прокурорлар пациенттердің міндетті скринингін (жасы бойынша) және балалардың профилактикалық тексеруден өтпеуі, созылмалы аурулары бар пациенттерге дәрі-дәрмектерді уақтылы жеткізбеу фактілерін анықтады.
«Тексеру нәтижелері бойынша прокурорлық қадағалау актілері енгізілді. 12,5 мыңнан астам азаматтардың құқықтары қорғалды. Кінәлі тұлғалар тәртіптік жауапкершілікке тартылды», - делінген хабарламада.
