Астана
-9.03°C
Астана
-9.03°C
Орталық коммуникациялар қызметінде өткен брифингіде Жетісу облысының әкімі Бейбіт Исабаев өзін жұмысы көрінбейтін «ұйықтап жүретін әкім» деп пікір айтқандарға жауап берді, деп хабарлайды Paryz.kz ҚазАқпаратқа сілтеме жасап.
Баспасөз маслихаты барысында БАҚ өкілі Бейбіт Исбаевқа «Жұмысыңыз неге көрінбейді, неліктен сізді «ұйықтап жүретін әкім» деп атайды?», деп сауал тастады.
«Иә, мен ұйықтаймын, бірақ тәулігіне 4-5 сағат қана. Мен немен айналысамын? Бұл ретте жауап қысқа болады. Облыс бөлінген кезде өңір әлеуметтік-экономикалық даму көрсеткіші бойынша республикада 19-20 орында болды. Ал, енді мұқият тыңдаңыз: 2022 жылдың қорытындысына сай, барлық индикатор бойынша Жетісу облысы 4-орынға тұрақтады. Бұл менің жұмысымның нәтижесі», - деп жауап қатты Бейбіт Исабаев.
