Астаналықтар су тапшылығынан көлік көп жүретін тас жолды жауып тастады

Ашынған жұрт үш күннен бері жуынбағанын айтады. Су мәселесін шешуге өтініштер еш нәтиже бермей, шарасыз қадамға баруға бел буып, жолды жауып тастаған.

"Елестетіңізші, біз бір сағатқа кетіп, қайта осы жерге келеміз. Мен суық суға шомылдым. Басқа адамдарды қараңызшы күн салқын болғандықтан олар мұндай тәуекелге баруға қорқады. Сондықтан жуынбай жүруге мәжбүр", - деп шағымданады Зульфия Бұхарбаева.

23 мамырда су жіберілді. Бірақ, барлығына толық жетпеді. Көптеген адам душта су жоқтығына шағымданды. Дәретханаға да су келмеуі біршама әбігерге салған.

"Адамдардың бала-шағасы бар. Сөмкелерімен балконға шығады, бәрібір болып кетті. Бұл енді ұят. Міне, енді ауыз су келді. Қуанып тұрмыз. Бірақ су таситын көліктің ыдысын тот басқан", - деп шағымданады Әмина Нағаева.

Үйге қызмет көрсететін ұйымда магистральдық желілердегі су қысымының төмендігі кінәлі дейді.

"Жаһандық деңгейдегі қаланың қысымынан. Қысым төмендеген кезде жүйе жұмыс істемейді және ол автоматты түрде тоқтайды", - деп түсіндіреді сервистік компанияның бас директоры Серік Төлебаев.

Қалалық су мекемесінің өкілі қысымға байланысты бәрі ретке келгенін айтты. Мәселе мынада, үй ішіндегі су тарату жүйесінің өзі дұрыс жұмыс істемейді.

"Бұл жерде құбырлар тым биік, сорғыларды түсіріп, жөндеу жұмыстарын жасау керек. Мұндай жағдайлар бірнеше рет орын алған. Жертөлесі бар адамдарда мұндай қиындықтар жоқ", - дейді коммуналдық мекеменің өкілі Антон Тараканов.

Тұрғындардың түнгі пикетін көтерген шуға құрылыс компаниясының өкілі де келді. Ол үй де, жоба да барлық сапа стандарттарына сай екенін айтты.

"99,9 пайыз қате жіберуге болмайды, өйткені бізде бақылау жүйесі бар. Барлығы жоба бойынша салынған, жоба мемлекеттік сараптамадан өткен, яғни оған дейін үй еш қиындықсыз жұмыс істеген", - дейді әзірлеуші компанияның операциялық директоры Әсет Ибраев.

Ал тұрғындар мәселенің дұрыс орнатылмаған ішкі байланыс жүйесінде екеніне сенімді және әзірлеушімен соңына дейін айналысуға ниетті.

Елордалық ғимараттардың тығыздығы сонша, жақын арада басқа инженерлік желілерге шамадан тыс қысым туындауы мүмкін. Қыста адамдар жылусыз қалудан қорқады. Жылытқыштарды қосып, электр сымдарын жөндеуге мәжбүр болады. Ол қызып кетпеуі үшін ас үй пештерінен, микротолқынды пештерден және электр плиталарынан бас тартуларына тура келеді.