«Нәресте үсіп қалды»: Оралда келіншек перзентхананың дәлізінде босанған

Бұл – Адема Қайырғалиеваның екінші жүктілігі және ол қалыпты өтіп жатты. Алайда сегіз айлығында оны ерте босанады деген оймен перзентханаға жатқызған.

“Болжам бойынша ақпан айының басында босануым керек еді. Бірақ 21 қаңтарда өзімді ертерек босанатындай сезіндім. Сол күні толғақ басталды, жиналып, сөмкелерді реттеп, жедел жәрдем шақырдым. Перзентханаға шамамен 20:00-де келдім. Акушер-дәрігер жатырдың ашылуы әлі аз екенін айтты. Соған қарамастан, перзентханада қалуды шешіп, жалған толғақпен патология бөліміне жіберілдім”, – дейді Адема.

Толғақ әр 15 минут сайын болған. Әйелдің айтуынша, палатаға ешкім келмеді және босанған әйелдерді тексерген жоқ.

“Демалыс күні таңғы алтыда қатты толғақ басталды, жатырдың қаншалықты ашылғанын білмеймін, бірақ шыдауға тырыстым. Алайда ауырғаны соншалық – аяғым сезбей, айқайлай бастадым”, – деді келіншек.

Сол кезде медбике байқап, акушерді шақырды.Ол сегіз сантиметр ашылуды байқап,  шұғыл босану бөлмесіне апару керек екенін айтты. Медбике оны палатасына қайта жіберіп, заттарын жинауын талап еткен. Ол толғақтарымен палатаға жетіп, төсекке жатты.

“Шыдай алмай, палатада босана берейін деп өтіндім. Олар маған жөргек кигізді, тағы бір әйел заттарымды жинауға көмектесті. Мені арбаға отырғызып, босану бөлмесіне алып кетті", — дейді Адема.

Жас ананың айтуынша, ол босану бөлмесіне бара жатқанда дәлізде босанды.

“Арбамен алып шыққаннан кейін бастың шыққанын сездім. Ал дөңгелегі бар төсекке орналастырып жатқанда,  бала толығымен шықты. Ештеңе түсінбей қалдым. Олар жөргегімді шешіп, қызымды алды. Медбикенің қолында жаялық та, басқасы да жоқ. Сөмкемді ақтарып,  жаялық алды. Қызымды үстіме қойып, босану бөлмесіне апарды.  Онда дәрігерлер бізді қ баланы тексерді”, – деді жас ана.

Әйел босанғаннан кейін қызының реанимацияға түскеніне айтты, өйткені перзентхананың дәлізі суық болған.

“Босанғаннан кейін қызымның біртүрлі айқайлап жатқанын байқадым. Дәрігерлерді шақырдым, олар баланы реанимацияға алып кетті. Сәби үсіп қалған, дене температурасы төмендеп, көтерілмеді. Емізе де алмадым”, – деді ол.

Баланың ақуыз деңгейі жоғарылаған. 23 қаңтарда балалар ауруханасына ауыстырылып, нәресте апта бойы күніне үш рет антибиотиктер қабылдады.

“Палатада босандырса болар еді. Бақытымызға орай, жөргек құтқарып қалды, әйтпесе бала бірден еденге құлар еді, — дейді әйел.

Медбике Адемаға толғақ арасы 1-2 минут болғанда дәрігерлерді шақыруын айтқан. Бірақ ол 5-6 минуттық интервалда босанды.  

Әйел перзентхана меңгерушісіне жүгінген, ал ол өз қызметкерлерін қорғай бастапты.

“Акушер тексермейді, тек қатты толғақ басталғанда барады деді. Келесі күні тағы бір әйел палатадағы төсекте босанды. Мен палатада босандыруды өтіндім. Бірақ олар тыңдамады. Наразылығымды медбикеге айтсам,  ол бала осы уақыт ішінде үсіп қалмайды деді. Ауруханағаен кәсіби мамандардың бақылауында болу үшін бардым. Бірақ бұл не деген немқұрайлылық? Мен шошып кеттім!”, – дейді босанған әйел.

30 қаңтарда Аделя мен оның анасы ауруханадан шықты. Олар қазір үйде, бәрі жақсы. Бірақ Адема бұл жағдайды аяқсыз қалдырғысы келмейді, ол кінәлілерді жазаға тартуды сұрайды. Ол облыстық денсаулық сақтау басқармасына жүгінді, онда дәрігерлер сөгіс алды деп айтылды, бірақ босанған әйел бұған сенбейді.