Нұрлан Мәсімовке жаңа айып тағылды

Соттың баспасөз қызметінің хабарлауынша, сот қарауына ӘҚБтК-нің 234-1-бабы ("Бюджет қаражатын тиімсіз жоспарлау және (немесе) тиімсіз пайдалану" - лауазымды адамдарға 100 АЕК мөлшерінде айыппұл салуға әкеп соғады) бойынша тағы екі іс келіп түскен.

Еске сала кетейік, Нұрлан Мәсімов – ҰҚК-нің бұрынғы төрағасы Кәрім Мәсімовтің немере інісі. 

2022 жылдың сәуірінде Антикор полиция генерал-майоры Нұрлан Мәсімовке қатысты сотқа дейінгі тергеуді бастады. Ол аса ірі көлемде пара алды деген күдікке ілінді. Мәсімов елден қашпақ болған, ол жазда жалған құжаттар арқылы Ресей Федерациясымен мемлекеттік шекараны кесіп өтпек болған кезде ұсталған.

Бұдан бұрын Антикор Павлодар облыстық полиция департаментінің бұрынғы бастығы полиция генерал-майоры Н. Мәсімовке, оның орынбасары Д.Сиразидимовке және кәсіпкер Е. Евковичке қатысты ауыр және аса ауыр сыбайлас жемқорлық қылмыстар жасады деген күдікпен сотқа дейінгі тергеуді аяқталғанын мәлімдеген.

 Тергеу мәліметінше, Мәсімов пен Сиразидимов мемлекеттік сатып алуды өткізу және үлестес компаниялармен келісімшарттарға қол қою кезінде қамқорлығы үшін 90,3 млн теңге сомасында пара алған. Сондай-ақ олар арттехқару-жарақ сатып алуға арналған 420 млн теңге сомасында бюджет қаражатын ұрлады деп күдіктелуде.