Астана
-5.03°C
Астана
-5.03°C
Бүгінде Ұлттық қауіпсіздік комитетінің экс-төрағасы Кәрім Мәсімов қылмыстық істің материалдарымен танысып жатыр. Бұл туралы Бас прокурордың орынбасары Әсет Шындалиев айтты, деп хабарлайды paryz.kz ақпараттық агенттігі Halyq Uni сайтына сілтеме жасап.
Биыл тамызда ҰҚК Кәрім Мәсімовке (және орынбасарларына, – автор) қатысты қылмыстық істі тергеуді аяқтағанын хабарлаған. Қазір айыпталушылар іс материалдармен танысып жатыр. Ол белгілі бір уақытты алуы мүмкін. Бұл – айыпталушылар мен олардың адвокаттарының белсенділігіне байланысты. Іспен танысуға қатысты уақыт шектеуі жоқ, - деді Әсет Шындалиев Мәжіліс отырысынан соң.
Еске сала кетсек, 25 тамызда ҰҚК Кәрім Мәсімов пен оның орынбасарларына қатысты қылмыстық істі тергеуді аяқтағанын хабарлаған болатын.
Қаңтар оқиғасынан кейін Кәрім Мәсімовке мемлекетке опасыздық жасады деген айып тағылған еді. Ал 6 қаңтарда ол Ұлттық қауіпсіздік комитеті төрағасы қызметінен босатылды.
