Қазақстанда карантин шаралары күшейтілуі мүмкін

Арнайы брифингте Денсаулық сақтау министрі Алексей Цой желтоқсан-қаңтар айларында карантин шараларының күшейтілуі мүмкіндігіне қатысты өз ойын айтты, деп хабарлады paryz.kz.

Ол сондай-ақ жағдайдың қатаң бақылауда болатынын атап өтті.

"Біз апта сайын деректерді талдап отырамыз және соған қарап болашақтағы жағдайды болжаймыз. Қазіргі жағдайға қарап отырып, біз желтоқсан мен қаңтар айларында карантин шараларының күшейтілуі мүмкін екенін байқаймыз. Барлығы қазір жағдайды біз қалай басқара алатындығымызға байланысты болады", - деді министр.

Оның айтуынша, қазір жағдай бақылауда.

"Қазіргі уақытта біз КВИ ерекше қарқынды өсімі байқалған аймақтар - Шығыс Қазақстан облысы және басқаларында оның өсім қақыны бәсеңси бастаған тенденциясын көріп отырмыз. Ал Шығыс Қазақстан теңестірілген кезеңге еніп, тіпті төмендеу үстінде. Яғни, біз жағдайды бақылап отырамыз және негізінен бұл болжамдарды апта сайын жаңартып отырамыз. Бірақ қазір біз ауру өсімі жүріп жатқанын көріп отырмыз, ол солай бола да береді. Бірақ, ең бастысы, ол ауыздықтауға, жүгендеуге келетін форматта болуы керек. Қазір біздің ауруханалар мен жұқпалы аурулар ауруханалары 22 пайызға ғана толды, барлық қарқынды терапия төсектерінің 17 пайызы қамтылған. Яғни, резерв бар, сондықтан жағдай қазір бақылауға көнетін форматта, ал қазіргі уақытта алаңдаудың қажеті жоқ, барлығы бақылауда", - деді Цой.