Астана
-8.03°C
Астана
-8.03°C
"Ата-аналар баласымен бірге болу ақысын төлейді - тәулігіне 7500-ден 11 мың теңгеге дейін. Оған қоса, күніне 5 мың теңге тамақ үшін ақы төленеді. Бұл кірісте көрсетілмеген, бірақ шипажай басшылығының қалтасына түсті", - дейді Аружан Саин.
Многие проблемы детей и нарушения их прав в нашей стране носят системный характер, обусловленный безответственностью,...
Опубликовано Аружан Саин Воскресенье, 14 февраля 2021 г.
Қазақстандағы бала құқықтары жөніндегі уәкіл Аружан Саин Денсаулық сақтау министрлігінің "Алатау" республикалық балалар клиникалық шипажайында ақша жымқыру ісі, онкологиялық аурулары бар балаларға арналған тамақ өнімдерінің сатылғаны туралы мәлімдеді, деп хабарлады Tengrinews.kz.
"Балалардың құқықтарын бұзу әртүрлі мекемеде, әсіресе балаларды тамақпен және басқа да тиісті қызметтермен қамтамасыз етуде болып жатады. Мен бұл туралы үнемі жаза алмаймын, қазір тергеу жүріп жатыр. Бірақ жақында Антикор операция өткізді, оның нәтижесінде Денсаулық сақтау министрлігінің "Алатау" республикалық балалар клиникалық шипажайында ақша жымқырылғаны, азық-түлік және балаларға арналған басқа да өнімдердің сатылғаны туралы дәлелдер жиналды" деп жазды омбудсмен Facebook-тегі парақшасына.
Саинның айтуынша, мекемеде жыл сайын міндетті әлеуметтік медициналық сақтандыру мемлекеттік бағдарламасы бойынша онкологиялық және бронхопульмоналды аурулары бар 3 жастан 14 жасқа дейінгі балалар емделеді.
"Клиникалық шипажай - елімізде атап өткен аурулары бар балаларды оңалту саласындағы санаулы орындардың бірі. Мен білетін ақпарат бойынша, шипажай директоры Ханшайым Мұсаева мен оның қарамағандағы қызметкерлер жыл сайын ақша жымқырған. Балалардан, ата-аналарынан тұру, тамақтану және емделу үшін ақы алып, олар бюджетке ақша салудың орнына, ақшаны қалтасына салып келген. Бұл науқастарды ұстау және емдеу жағдайларына теріс әсер етті. Сонымен қатар, шипажайда балаларға арналған азық-түлік өнімдерін - ет, картоп және т.б. заңсыз сату фактілері ақықталды", - деді Саин.
Омбудсмен балалардың мемлекеттік квота бойынша шипажайға жіберілетінін, ал ата-аналары өздері үшін төлейтінін айтты.
Тағы оқи отырыңыз: Елімізде жылына 600 бала обырға шалдығады
"Сондықтан ата-аналар баласымен бірге болу ақысын төлейді - тәулігіне 7500-ден 11 мың теңгеге дейін. Оған қоса, күніне 5 мың теңге тамақ үшін ақы төленеді. Бұл кірісте көрсетілмеген, бірақ шипажай басшылығының қалтасына түсті. Балаларды, олардың ата-аналарын, мүмкін қызметкерлерін де тамақтандыру шипажай квотасы бойынша мемлекеттен алған ақша есебінен жүзеге асырылған. Егер тіпті азық-түлік сатылған болса, ойлап көріңіздерші, балалар қалай тамақтанады?"- деп түсіндірді Саин.
