Астана
-12.03°C
Астана
-12.03°C
"Халықты коронавирустан қорғайын деп ойлап жатқан ешкім жоқ. Қаражатты бөліп алу үшін ойлап тапқан деп ойлаймын..."
31 арнаның "Сөздің шыны керек" бағдарламасында медицина ғылымдарының кандидаты, дәрігер Қайырғали Көнеев осылай айтты, деп хабарлады paryz.kz.
Дәрігердің айтуына қарағанда, вакцинаның сапасына күмән жоқ. Десе де біздің ел үшін жаппай вакцинация қажет емес көрінеді. Өйткені бүгінде ұжымдық иммунитет қалыптасып үлгерген. Бірақ оны тексеріп, скринг жүргізіп жатқан ешкім жоқ екен.
"Бекшиннің айтуынша, қала халқының 55 пайызында коронавирусқа қарсы антидене бар. Алматылықтардың 55-60 пайызы коронавируспен бір ауырып, тәуір болды. Осы жағдайда Қазақстанға вакцинаның қажеті жоқ. Халықты коронавирустан қорғайын деп ойлап жатқан ешкім жоқ. Қаражатты бөліп алу үшін ойлап тапқан деп ойлаймын", - деді дәрігер, журналист Ирина Советжанқызына берген сұхбатында.
