Алматыда қызуды төмендететін дәрілер сатылымнан алынып жатыр ма?

WhatsApp мессенджерінде қызуды төмендететін дәрінің 10 қаптамасын бірден алуға үндейтін аудиохабарлама таралуда. Автордың айтуынша, адамдарды COVID-19-ға қарсы вакцинациялауға мәжбүр ету үшін Алматы қаласы мен Алматы облысының дәріханаларынан бірқатар дәрі-дәрмекті сатылымнан алып тастау туралы "жоғарыдан бұйрық келіп түскен". Бұл - жалған,  деп хабарлады paryz.kz, zakon.kz-ке сілтеме жасап. 

Денсаулық сақтау министрлігі бұл ақпаратты жоққа шығарды. Ведомствоның хабарлауынша, дәріханалар мен ауруханаларда бірқатар дәрі-дәрмектің, соның ішінде вирусқа қарсы және қызуды төмендететін препараттардың болуы апта сайын тексеріледі.

"Бүгінгі таңда коронавирустық инфекцияны емдеуге қажетті препараттар қаланың барлық дәріханаларында бар. Қамтамасыз ету - шамамен 90%. Дәріхана қоймаларында 1 миллионнан астам (1 037 мың) қажетті препарат бар. Сонымен қатар, нарықты қанағаттандыру үшін тұрақтандыру қорының қаражаты есебінен қаланың дәріханаларына дәрілік препараттарды жеткізу жалғасуда. Бүгінде ол Алматы үшін шамамен 5 млрд теңгені құрайды. Қазіргі кезде Алматыға әкелуге жоспарланған 40,1 млн дәрілік заттар мен медициналық мақсаттағы бұйымдардың 47,2 млн (118%) әкелінді. 23,4 млн теңгенің препараттары сатылды. Құны 23,8 млн теңгелік дәрі қолда бар. Оның ішінде төмендетілмейтін қалдық 8 млн теңгені құрайды. Осылайша қалада екі айлық беріктік қоры қалыптастырылды", - деп хабарлады министрліктің баспасөз қызметі.

Сондай-ақ Алматы қаласының және облыстық дәріханаларда медициналық маскалар мен термометрлер жеткілікті. Сонымен қатар ведомство бүгінгі таңда дәрі-дәрмек пен жеке қорғаныс құралдарына жоғары сұраныс жоқ екенін атап өтті.