Тоқаев билігі, некролог пен құттықтауға тойдық...

Қазір Тоқаевтың билігі өртенгенге көңіл айтумен, жеңімпазды құттықтаумен айналысатын болып алды. Бұл туралы желі белсендісі Ғалымжан Өтелбай өзінің Facebook-тегі парақшасына жазды.

"Біздегі естуші биліктің (өздерін солай атайды) екі ғана әрекеті бар:

1. Өртеніп өлгендерге көңіл айту;

2. Өз еңбегімен жүлде алғанды жер-көкке сыйдырмай мақтап, құттықтау.

Осы екеуінің ортасында болуға тиісті жүйелі іс жоқ. Өйткені ЖҮРЕК жоқ", - дейді ол.

Әрине, бұл ретте ешқандай теріс пиғыл жоқ. Жанымыз ашыған соң осылай жазамыз да. Әйтпесе Қасым-Жомарт Тоқаевтың президент басымен мемлекетке алақан жаймай, өз күшімен көтерілген ди-джей Иманбек Зейкеновті "Грэмми" жүлдесін алғанымен құттықтағаны шынымен ыңғайсыздау екен. Егер оған елдік тұрғыда қолдау танытып, өзі қолтығынан демеп отырса, бір сәрі.

Егер Тоқаевтың орнында Абылай хан, одан бертіндегі Әлихан Бөкейхан болса, ди-джей, рэперлерді құттықтап отырмас еді-ау, ә? Дәл мынадай адам өліп, мал қырылып, экономика құлдырап, экология ластанып жатқан кезде дейміз де. Одан да бұл биліктің нақты іске көшкені жөн болар еді. Әлде, бұларда шынымен де жүрек жоқ па?..

Тұрсын ЖАМАНТАЙ