Астана
-14.03°C
Астана
-14.03°C
Екінші деңгейлі санкция деген ұғым бар. Қазіргі кезде біздің еліміз Ресейге санкциядан айналып өтуге көмектесіп отырғаны жасырын емес. Егер, бұл дәлелденетін болса, әлемдік державалардың біздің елімізге екінші деңгейлі санкцияны салуы мүмкін. Ол дегеніңіз – нан алуға зар болып қаламыз деген сөз. Өйткені, сыртқа ешқандай өнімді шығара да алмаймыз, сырттан тауарды елімізге кіргізе де алмаймыз дегенді білдіреді.
Бізге визалар да берілмейді. Елдегі бар инвесторлар кетуге мәжбүр болады. Мысалы соғыс басталғалы Ресейден бір жылдың ішінде 1500 ірі компаниялар кетті. Ол дегеніңіз – салықтар түспейтін болады. жұмыс орындары жабылып, жұмыссыздық белең алады деген сөз. Бұл енді экономикадағы мультипликативтік эффекті.
Жақында ғана Өзбекстанда болдым. Сонда байқағаным: бір ғана машина құрастыру заводының маңында 200-ден 300-ге дейін шағын кәсіпорындар жұмыс істеп тұр. Лампочка, полик, шөтке, плафон жасайтын компаниялар жұмыс істеп тұр. Машина құрастыру заводы жабылса, соның барлығы жабылады. Ашылса, барлығы ашылады. Жұмыс орындары болады, - деп тұжырымдады У.Қайсаров.
Егер, агрессор мемлекетке қол ұшын беруді тоқтатпасақ, осындай нашар сценарийдің бізде де орын алуы ғажап емес...
