Бас прокуратура Қаржы министрлігі жұмысындағы заң бұзушылықтарды анықтады

Бас прокурор Ғизат Нұрдәулетов Қаржы министрлігі Қаржы мониторингі комитетінің (ҚМК) Экономикалық тергеу қызметіндегі (ЭТҚ) бизнеске байланысты заң бұзушылықтарды мәлімдеді, деп хабарлады paryz.kz,  tengrinews.kz-ке сілтеме жасап.

"Прокуратура органдары залал мөлшерін анықтау үшін ЭТҚ мамандары тартылған 17 жағдайды анықтады. Олардың қорытындылары тергеу барысында расталмады (қылмыстық құқық бұзушылықтың болмауына байланысты барлық іс тоқтатылған).

Биыл 26 қарашада аталған деректер ЭТҚ басшылығының қатысуымен өткен кеңесте қаралды. Онда мамандар қорытындыларының дұрыстығы мен объективтілігін қамтамасыз ету, қылмыстық істерді СДТБТ-де негізсіз тіркеуді болдырмауды талап еткен", - деді бас прокурор Ғизат Нұрдәулетов, Мәжіліс депутаттарының сауалына берген жауабында.

Еске сала кетсек, Мәжіліс депутаттары 4 қарашада Бас прокуратураға шетелден келген мамандардың қорытындыларына негізделген кәсіпкерлерге қылмыстық іс қозғаудың заңдылығына тексеру жүргізуге қатысты және ондай істерді тоқтату туралы өтініш білдірген еді.