Министрлер дүкен-базар аралап, азық-түлік сатып ала ма?

Еліміздің Сауда және интеграция министрі Бақыт Сұлтанов пен Ауыл шаруашылығы министрі Ербол Қарашөкеев азық-түлік сатып алу үшін қайда және қанша рет баратынын айтты, деп жазады Рaryz.kz exk.kz сілтеме жасап.

Бақыт Сұлтановтың айтуынша, ол базар мен дүкендерге отбасымен бірге демалыс күндері қолы босағанда барады.

Отбасымызға қажет азық-түлікті сатып аламыз. Мысалы палау пісіретін болсақ, қымбатырақ ет аламыз. Әрине, бағалардың өскенін байқадық. Мұны инфляция да растап отыр. Кейбір азық-түлік бойынша баға өсіп кеткенін көріп отырмыз,

— деді министр.

Әріптесінің сөзін жалғаған Ауыл шаруашылығы министрі де бағаның өсіп жатқанын айтты.

Әйеліммен бірге базар-дүкенге барып, тамақ алуға уақытым жетпей жатады. Ол жаққа отбасымен бірге екі айда, әрі кетсе, бір айда бір рет баратын шығармын. Барған кезде міндетті түрде тек Қазақстанда өндіріліп-шығарылған тауарларды аламыз,

— деді Ербол Қарашөкеев.

Бұған дейін еліміздің Ауыл шаруашылығы министрі Ербол Қарашөкеев дүкен мен базардағы азық-түліктің бағасы қанша екенін білмейтін айтқан еді.