8 млрд теңгеден астам қаржыны жымқырған TengriBank топ менеджерлері ұсталды
"Іспен экономикалық тергеу департаменті айналысады", - деп хабарлады бүгін Қаржы министрлігі.
"TengriBank" АҚ басқармасы төрағасының бұрынғы орынбасары Бахтияр Ілясов пен "TengriBank" АҚ Алматы филиалы директорының экс-орынбасары Әсет Жадықов 8 млрд теңгеден астам соманы жымқыру ісі бойынша ұсталды, деп хабарлады ҚазТАГ.
"Иә, растаймыз. Іспен экономикалық тергеу департаменті айналысады", - деп хабарлады бүгін Қаржы министрлігі ҚазТАГ редакциясына.
Бұған дейін әлеуметтік желіде тараған хабарға сәйкес, топ-менеджерлер арнайы қайтарымсыз займдар беру арқылы 8 млрд теңгеден астам қаржы жымқырған деген күдікке ілінген еді.
Еске сала кетсек, биылғы 18 қыркүйекте "TengriBank" АҚ-ты барлық банктік операциялар жүргізу лицензиясынан айыру туралы шешім қабылдаған болатын. "Қазақстандық депозиттерді кепілдендіру қоры" АҚ банк салымшыларына кепілді өтемақы төленеді деген-ді.
