Ұлттық статистика бюросының 1 сәуірдегі мәліметінше, Қазақстанда тіркелген 3 миллион 833 мың жеңіл көлік бар.
Биылғы қаңтар-наурыз аралығында Қазақстанда 204 238 жеңіл автомобиль есепке қойылса, бұл өткен жылғы сәйкес кезеңмен салыстырғанда 9 пайыз аз.
Тіркелген көліктердің басым бөлігінің шыққанына 10 жылдан астам уақыт өткен.
Аталған мерзімде тіркелген жеңіл көліктердің 85 пайыздан астамы бензинмен жүреді. Газбен жүретін көліктердің үлесі 1 пайызға да жетпейді.
2022 жылғы бірінші тоқсанда 2 600 жол-көлік оқиғасы тіркеліп, 3 968 адам зардап шеккен. Өткен жылғы тиісті кезеңмен салыстырғанда апат саны 0,8% азайды.
1 сәуірдегі жағдай бойынша көлік құралдары иелерінің азаматтық-құқықтық жауапкершілігін міндетті сақтандыру бойынша сақтандыру ұйымдары 10,7 млрд теңге сомасында 21 370 сақтандыру төлемін жүзеге асырған.