Қорғаныс құралдарын жасыру салдарынан жедел жәрдем қызметкерлері көз жұмған

Алматыдағы жедел жәрдем басшылығы пандемия қызған кезде қызметкерлерден дәрі-дәрмектер мен қорғаныс құралдарын жасырған. Бұл туралы Orda.kz ТМД елдері жұмысшы қозғалысының ақпараттық орталығына сілтеме жасап хабарлады.

Жедел жәрдем қызметінің 4 подстанциясында ресми тексеріс кезінде медициналық заттары бар жасырын қойма табылды. Онда халаттар, қолғаптар, маскалар, обаға қарсы костюмдер, дәрі-дәрмектер және басқа қорғаныс құралдары болған.

"Алдыңғы басшылық мұның бәрін өз қызметкерлерінен жасырды. Қызметкерлер ескі қорғаныш костьюмдерінде, қажетті құрал-жабдықсыз және күніне бір маскамен жұмыс істеуге мәжбүр болды. Соның салдарынан коронавирустан қайтыс болған дәрігерлер тіркелген. Сонымен қатар жасырын дәрі-дәрмектер мен қорғаныс құралдарын жедел жәрдем басшылары қара базарда сатқан", - деп хабарлады орталықтың баспасөз қызметі.

24 наурызда тексеру кезінде мыналар анықталды:

Жеке қорғаныс жиынтықтары – 4 550 400 теңгені құрайтын 635 дана;

Дәрілік заттар – 350 209 мың;

171,484 мың сомасындағы дәрі-дәрмек жетіспеушілігі;

Бір реттік көзілдірік – 10 қорап (2000 дана);

Қорғаныс экрандары – 245 дана;

Үш қабатты маскалар – 900 дана;

Қайта пайдалануға арналған көне костюмдер – 100 дана.

"Қылмыстық құқық бұзушылық жасаған жедел жәрдем қызметінің экс-басшысы Ләйлә Алтынбекова жазасыз қалды. 2020 жылдың сәуірінде пандемияның басталуына қарай бас санитарлық дәрігердің қабылдаған шешіміне қарамастан, Алтынбекова қызметкерлерге күніне бір маска берді. Салдарынан 2 баланың анасы Нина Губанова қайтыс болды", - деп хабарлады орталық.

Бұл жедел жәрдем қызметіндегі алғашқы жанжал емес. Бас фельдшердің міндетін атқарушы Эльвира Камалова бірнеше ұрлықты бейнебақылау камералары арқылы анықтаған. Артынша Алмалы ауданының прокурорына хабарлаған. Бірақ прокуратура бұл істі жауапсыз қалдырған.

"Болжам бойынша, БСМП-ның экс-директоры Б.Ж. Оспанов прокурорлармен келісіп алған", - делінген хабарламада.

Енді қосалқы станцияда анықталған барлық бұзушылықтарға аға фельдшер Гүлбаршын Калинбетова мен бастығы Сергей Котов Степанович жауап береді.