Қазақстанда карантин талаптары 1 наурыздан бастап жеңілдейтін болды

...Жасыл және сары аймақтар үшін қосымша боулинг, компьютер клубтарының қызметі, фитнесс-орталықтар мен бассейндердің жұмыс істеуіне рұқсат етілді.

Қазақстанда карантин талаптары 1 наурыздан бастап жеңілдейтін болды
фото: kaztag.kz

"Атамекен" ҰКП төрағасының орынбасары Юлия Якупбаева Facebook-тегі парақшасына 1 наурыздан бастап Қазақстанда карантин талаптары жеңілдейтінін жазды, деп хабарлады paryz.kz.

"Сүйінші жаңалық! Ведомствоаралық комиссияның отырысында коронавирустың таралу қарқынының төмендеуіне байланысты, "Атамекен" ұлттық кәсіпкерлік палатасының бірқатар ұсынысы қабылданды", - деді жазба авторы.

Оның айтуынша, билығы жылдың 1 наурызынан бастап жасыл аймақта жанкүйерлер қатысатын спорт жарыстарына (қатысушылар саны талқыланып жатыр), 50 адамға арналған еске алу асына (залдың 30%-ын ғана толтыра отырып), бильярд қызметіне, ғимараттардағы балаларға арналған ойын-сауық клубтарына, цирктерге рұқсат етіледі. Ал сары аймақта базарлар мен сауда, ойын-сауық орталықтары, сауда үйлері жексенбі күні де жұмыс істей алады.

Жасыл және сары аймақтар үшін қосымша боулинг, компьютер клубтарының қызметі, фитнесс-орталықтар мен бассейндердің жұмыс істеуіне рұқсат етілді.

"Жалпы алғанда санитарлық талаптарды сақтай отырып, бизнестің жабық нысандарының да жұмыс істеуіне рұқсат етуге болады деген түсіністік бар" деп жазды палата өкілі.

Хорошие новости! На состоявшемся сегодня МВК, учитывая постепенную тенденцию к снижению заболеваемости, были ПОДДЕРЖАНЫ...

Опубликовано Юлией Якупбаевой Вторник, 23 февраля 2021 г.