Қарағандылық дәрігер Денсаулық сақтау министрлігін сотқа берді

Қарағанды облысында акушер-гинеколог Роза Көккөзова Денсаулық сақтау министрлігін сотқа берді. Дәрігердің арыз жазуына пандемияның ортасында коронавируспен ауырғанына қарамастан, 2 миллион теңге өтемақы алмауы себеп болған, деп хабарлады paryz.kz, 31 арнаға сілтеме жасап. 

Роза Көккөзова - 25 жылдық тәжірибесі бар акушер-гинеколог. Абай қаласының орталық ауруханасында жұмыс істейді. Маусым айында пандемия кезінде ол бір жарым күндік ауысыммен жұмыс істеген, коронавируспен ауырған науқастарға кеңес берген. Содан кейін өзі ауырып қалған. Бірақ билік уәде еткен 2 миллион теңге төлемді алмаған.

"Эпидкарт ауру адамның сөзімен толтырылады және менің сөзімде жұмысқа барар немесе жұмыстан келер жолда немесе үй жағдайында жұқтырғаным туралы ақпарат бергенім туралы жазылған екен. Ол менің сөздеріммен толтырылмаған, толығымен дұрыс толтырылмаған", - деді Роза Көккөзова.

Маусымда төтенше жағдай болып, бөлімге коронавирус жұқтырған науқастар келген. 23 күнде Роза Көккөзова үйіне үш рет барған. Ол жалғыз тұрады. Жұмыс көлігімен жұмысқа келген. Ол тек ауруханада жұқтыруы мүмкін екеніне сенімді. Облыстық Санитарлық-эпидемиологиялық бақылау департаменті өз жауабында аудан әкімдігі картаны жасау кезінде қателіктерге жол бергенін мойындады. Бірақ жауапты адамдар қазір жұмыс істемейді.

Роза Көккөзова адвокат жалдап, сотқа жүгінді. Іс бойынша 5 айыпталушы бар, ауруханадан және облыстық Санитарлық-эпидемиологиялық бақылаудан бастап, Денсаулық сақтау министрлігіне дейін.

"Олар маған осы картаны толтырған адам жұмыстан шығарылды, ал екінші эпидемиолог қазір декреттік демалыста деген жауап берді", - деді адвокат Майра Жақубаева.

Денсаулық сақтау басқармасы сот шешіміне дейін түсініктеме беруден бас тартты. Бірақ Роза Көккөзова өзімен бірге бір уақытта бірнеше дәрігер ауырып, төлем алмағанын айтты.

"Бұл жағдайда дәрігерлерге әділ қарау маңызды. Біз адамдарға, егер олар шынымен керек болса, үйде отырмауын, оларды жұмыстан шығарып жіберуден, қандай да бір қысымның басталуынан қорықпауын қалаймыз", - деді Роза Көккөзова.

Адвокатқа Роза Көккөзовадан басқа тағы 3 медицина қызметкері осындай проблемамен жүгінген. Өтемақы тағайындау жөніндегі комиссия қазір жұмыс істемейді. Қазан айынан бастап төлемдер тоқтатылды. Бірақ заңның кері күші жоқ, сондықтан дәрігер сот әділ шешім шығарады деп үміттенеді.