Ескі Қазақстан мен Жаңа Қазақстан арасына от жағып отырған үшінші тарап бар ма?

«Бұл жерде, осы табиғи апат салдарын пайдаланып, әлде бір саяси ұпай жинап қалмақ  әлі күнге дейін көзге көрінбейтін бірнеше күш бар, саяси әлеуметтік топтар деймін. Біріншіден, осы апаттың жағдайын, ең бірінші кезекте пайдаланып отырған қазіргі мемлекеттегі билікке үре тұрып қарсы болатын, әлде бір қоғамдық саяси күштер. Оны түсінуге де болады. Себебі, елде оппозициялық күш болғаннан кейін, оппозициялық құрылымдар бытыраңқы ғой бәрі: бізде бір ұйымдасқан бірегей бір қимылдар атқаратын опозициялық күш жоқ. Бізде әр жерде шашыраңқы қарсы протесттік күштер бар, олар осындай сәтті пайдалануға тырысады. Елде қалыптасқан жаңағы жемқорлық жүйе, әділетсіздік, қымбатшылық, кедейшілік осылардың бәрі адамдардың ызаларын тудырған кезде әр бір осындай оқиғаларды сәтті пайдаланып, өздерінің риторикасын, айтар ойын жеткізіп қалу деген - оны түсініп қабылдау керек. 

Бастысы бұл жерде, екінші бір күштер бар - Ескі Қазақстан деп айтамыз ғой, осы Ескі Қазақстанды кейбіреуі күлкі қылады. Әлеуметтік желіде күлкі қылады. Тіпті толысқан, салауатты саясаткер азаматтардың ауызынан естігінде, мен таңқаламын. Ескі Қазақстан деген бұл құрылым емес қой, бұл санадағы дүние. Санада қалыптасқан - Ескі қазақстан мен Жаңа Қазақстан. Бізде Ескі Қазақстан дегенде, Назарбаевтың билігін, содан қалған күштерді айтамыз. Қазір Ескі Қазақстанның өзінің идеологиясы қалыптасып келе жатыр. Бұл Жаңа Қазақстанға қарсы, ескі күштерді қайтару жөнінде әрекеттер болып жатқанын, әсіресе, әлеуметтік желіден байқауға болады. Соңғы кезде пайда болған риторикалар лозунгтар шықты: «Біз асығыстық жасадық, шал, қайтыңыз» деген сияқты әңгімелер айтылып жатыр. Соңғы кезде байқағаным, әлеуметтік желіде «Тоқаев кезінде халық кедейленіп кетті» деген, оның астарында «Назарбаев кезінде жақсы еді ғой» деген ұғым туады санады. 
«Тоқаевтың кезінде кедейленіп кетті» дегенді бұрынғы 30-жылда қалыптасқан жүйенің салдары деп қабылдау керек. Тоқаевтың билікке нақты отырғанына 2 жыл ғой, алдындағы 3 жылда Назарбаев екеуі бір тақты бөлісіп отырды. Соңғы 2 жылда бәрін өзгертіп, халықты жұмаққа шығара қоятындай мүмкіндік болған жоқ», - дейді депутат.

«Тоқаевтың кезінде кедейленіп кетті» деген - бұрынғы 30-жылда қалыптасқан жүйенің салдары деп қабылдау керек. Тоқаевтың билікке нақты отырғанына нақты 2 жыл ғой, алдындағы 3 жылда Назарбаев екеуі бір тақты бөлісіп отырды. Соңғы 2 жылда бәрін өзгертіп, халықты жұмаққа шығара қоятындай мүмкіндік болған жоқ», - дейді депутат.