"Шегіп алған сияқты ма?..": Қайрат Нұртас пен Argonya ел көзіне біртүрлі көрінді (ВИДЕО)

Әнші Қайрат Нұртастың Instagram-дағы парақшасына әріптесі Арғын Аусаров (Argonya) екеуінің көпшілікке видеоүндеу жасаған сәті жарияланды. Қызара бөрткен екеуінің бұл отырысын оқырмандары сау адамға ұқсата алмай отыр, деп жазды paryz.kz.

"Саламандра, пацаныыы! Братаным қасымда... Что-то анау журналистардың интригасы сәл ауыр тиіп кетіпті арамыздағы отношенияға. Енді если по факту қайта разобраться, анау интервьюді көріңдерші! Мынау братанымды қалай жақсы көретінімді айтқаным ғой. Менің аузым қисық сондай. Басқаша подводить етіп жібергем. Аналар сол жерін кесіп алып, тастап-тастап тастаған ғой инстаграмға. Енді братанмен отырмыз, әңгімелесіп отырмыз. Енді действительно аналардың істеген движнягы арамызға сәл дақ салып отыр. Братанжан, сен біліп тұрсың ғой менің не айтқым келгенін?" - дейді алдымен сөз алған Аусаров.

Одан кейін Қайрат Нұртас "Иә, мен қатты құрметтеймін Аргоняны. Журналистер, білесіздер өздеріңіз..." дей бастап еді, не айтарын білмей сасқалақтап отырған сыңайдағы Аусаров: "Журналистер – стервы!" - деп кіжінді.

"Олар да адам ғой... Иә, ең бастысы, адамға өзі уақыт береді, жас береді ғой. Сол кезде мен өмір сүре беремін, Аллаға шүкір. Бірақ мен қанша өмір сүріп келе жатырмын. Менің қасыма келіп, адамдар өздерінің рөлдерін ойнап кетіп жатыр. Нешетүрлі адам келді ғой. Өздерінің рөлдерін ойнап кете береді..." - деп Қайрат Нұртас біраз мұңын шақты.

Мүмкін, "қасына келіп, өздерінің рөлдерін ойнап кетіп жатқандардың" бірі осы Арғын Аусаров шығар? Нақты кімдерді меңзегені түсініксіз. "Түсініксіз" демекші, екеуінің "әрең сөйлеп отырған" қалыптарын жұрт "ішкен", "шеккен" дегендей сан-саққа жоруда. Кейбіреуіне олардың көпшілікке қарата айтқан сөз саптастары ұнамай қалды. Аусаровтың өз сөзінен танып, жауапкершіліктен басын ала қашып жатқанын айтқандар да аз емес. Мысал ретінде кей пікірлерді қаз-қалпында ұсына салсақ та жеткілікті болар...

Тағы оқи отырыңыз: Әншілерге есірткі тасыған журналист қыз 3,6 жылға сотталып кетті

Ал Argonya-ның сұхбат барысында қасындағы "баратаны" туралы не дегені мына сілтемеде.