«Өздерінің адамдарын өткізіп алды» - Мұхтар Жәкішев сайлау туралы

"Мұхтар Жәкішев сайлау туралы жақсы айтыпты. Дәстүрден тайған жоқпыз дейді. Ескі Қазақстанның дәстүрінен. Былай қарағанда биліктегілер бұны тұрақтылық үшін істедік деп ойлайтын шығар. Бірақ бұның арты жарылысқа апарып соғады. Өйткені халық ішіндегісін билікте отырған сенімді адамдарына айтып шығармаса, ертең алаңға жиналып шығарады. Ол жерде келіссөз жүргізу қиын болады. Бұл дегеніңіз заңдылық.

Мұхаң осылай дейді. Мен де өткеннен бері осыны ойлап жүр едім. Ел үміт артатын, мықты кісілерді кішкене қосып, сондай адамдарды қатарына тарта ма деп үміттеніп едім. Олай болмай қалды.

Солтүстіктегі мәселені шешу расында да ұзақ мерзімді жоспарды қажет ететін, үлкен шаруа ғой. Оның бәрін қазіргі депутаттар ойлай ма? Ойлайды-ау деген адамдар тіпті мәслихатқа өтпей қалды ғой. Өкіметіміз осы сайлау арқылы қаншама адамды өздеріне қарсы қойып алды. Онымен қоймай, өздеріне қарсы адамдарды біріктіріп жіберді. Осыншама өз-өздеріне қас адамдарды басқа жерден іздесең таппайтын шығарсың. Арты не болады?", - деп жазған ол.