Су жаңа прокурорлар: әке жолын жалғаған ұлға таңғалам

"Сонымен, бүгін еліміздің бірқатар аймақтарына жаңа прокурорлар мен еліміздің бас көлік прокуроры тағайындалды. 
Ұлытау облысына Бас прокуратурадан Жарқынбек Бақашбаев барды. Ол туралы бұдан бұрын екі рет жазған болатынмын. Бірінде оның бейнесі қазір соты болып жатқан бір адаммен камераға түсіп қалған. Қызық жағдай, ия?
Ал, екіншісінде оның ұлына қатысты келеңсіз оқиға болған. Бақашбаевтың ұлы Елордада мас күйінде көлік жүргізіп, ақыры бір жыл бойы бой жасырып, сотқа келмеген. 

Осындай адам Ұлытау облысына прокурор болды.

 Екінші айтқымыздың келгені - еліміздің су жаңа Бас көлік прокуроры болып бұрынғы ІІМ болған Қайырбек Сүлейменовтың ұлы Тимур Сүлейменовтың тағайындалуы да қызық, енді... Әкесі құрметке лайықты адам. Баласы да әкесінің ізін жалғастырар деп ойлаймыз.  

Оның әкесі ел көлемінде фураларға мініп алып, қарамағындағылардың қай жерде пара алатынын өз көзімен көріп, қолынан жетектеп шара қолданғаны есте қалды. Енді ұлы да әкесінің осы маневрін қайталап, ел аралауын Ақтөбе облысынан бастаса дейміз. Өйткені, сол жерде мемлекеттерді жалғайтын күре жол жатыр" - деп жазады  @kozachkow